Chal na Yaar ….

Chal na yaar kahi ghumke ate hai..
In mukhawate wale chehare pe asli muskaan late hai…

Chhoot gaye jo pal chinta me hi ,unhe bhi thoda jee ate hai..
Kaagaz ke in panno pe kuch fir wo kahani doharate hai..

Kuch bichade yaro se milake ate hai..
Un purani bato se thodisi dhul hatake ate hai..

Chal aaj fir jate hai us chai ki tapri pe..
Firse free ke biscuit ke liye zagadke ate hai..

Thodasa bachpan jagake us dhul-mitti aur talab me khel ate hai…
Cricket ke gend se firse koi khidki tod ate hai..

Wo cycle ki 2 rs ki sawari se pura shehar ghumke ate hai..
Bachpan ke us masoom si mohabbat ke ghrke samnese chakkar laga ate hai…

Chal na yar firse wo pal jee ate hai ..
Chal na ..jara un galiyaro firse ghumke ate hai..